तुझ्या मिठीत

तुझ्या मिठीत श्वास माझा, कस्तूर होऊन दरवळे;

तुझ्या मिठीत स्वप्न माझे, अबिरात रंगले;

तुझ्या मिठीत गीत माझे, सप्तसुरांत न्हाहले;

तुझ्या मिठीत स्मित माझे, उमलाया लागले;

तुझ्या मिठीत प्राण माझे, सारे तुझ्यात गुंतले;

तुझीच - मृणाली

आज..

आज...
आज तुझा तो स्पर्श
माझा वाटत नव्हता..

आज तुझी ती भावना
मला गोंजारत नव्हती..

पण आज
मी आणि माझे दुःख
दोघेही निरखून बघत होतो तुझ्याकडे..

तू निघत असताना एक सावली
डोकावत होती तुला बघण्यासाठी..

तू बघितलं तिला..
पण अनुभवलं नाहीस..

तू गोंजारलंं तिला..
पण तू हरवली नाहीस..

सोबतच्या क्षणी..
माझी सावली
तुझ्यातल्या सावलीला
शोधत होती..

आज...