मी तिथेच सापडेन तुला..

बघ
इकडे तिकडे
दाही दिशांना
कुठे दिसतोय मी?
जाणवतंय कुठे माझं अस्तित्व?
भोवताल बघ
आणि परत परत शोध
खरंच आहे का मी तिकडे?
कि मी नाहीच तुझ्या आसपास?

तुला जाणवणारच नाही माझी उब.. बाहेर

आता शोध स्वतःत..
मनात.. डोक्यात.. स्वप्नात..
आता बघ जाणवतो का मी..
भासतं का माझं अस्तित्व..
मला खात्री आहे
मीही तिथेच सापडेन तुला..
कारण, मी तुझ्यातच आहे
जशी माझ्यात असते तू.. नेहमीच.

मी माझ्यातून तुला जाऊच दिलं नाही
आणि तुझ्यातूनही मी बाहेर आलो नाही..
तरीही बाहेर शोधतेस मला..

आता फक्त एक काम कर..
डोळे मीट..
मला शोध..
स्वतःत.. स्वतःच्या मनात..
मी तिथेच सापडेन तुला..
हो.. मी तिथेच सापडेन तुला..

- तथागत