काही क्षणांत बाहेर पडल्याचा आनंद तो...
बाबांच्या स्वप्नांना पूर्ण करणारा चंद्र तो...आईच्या त्रासाला परत सामावून घेणारा छोटासा स्तंभ तो...
बाहेर पडल्याच जगाच्या बंधनात अडकून बसणारा
एक विलक्षण केंद्र तो...
स्वतःचीच ओळख नसलेला
सर्वांची ओळख म्हणून बाहेर पडलेला
चिमुकला पंख तो...
आजीला गोष्टींचं पुस्तक बनवून
त्या गोष्टीतला राजकुमार बनण्याचा अनुभव तो...
आजोबांच्या चालीला साथ देत
गीत गाणारा लयबद्ध सुरताल तो...
हळूच मोठा होऊन जबाबदाऱ्या सांभाळणारा
घरचा आधार तो...
स्वतःचे स्वप्न बाजूला सारून
आई-बापाचे स्वप्न पूर्ण करणारा वेळ तो..
स्वप्न तो, सत्य तो,
दुखः तो, आनंद तो;
आई-वडिलांनी मुलीला दिलेला जन्म तो...
एक नवीन जीवनाची ओळख बनविणारा
प्रेमळ मुलीचा जन्म तो...
- मीनल भोयर
No comments:
Post a Comment